غاسبيريني يشوف إنتر أقرب للنهائي قدام برشلونة في دوري الأبطال
قبل ما تنطلق موقعة برشلونة وإنتر ميلان المنتظرة في نصف نهائي دوري أبطال أوروبا، طلع جيان بييرو غاسبيريني، مدرب أتلانتا الإيطالي، بتصريحات مثيرة عن المباراة، وخلاها أكتر اشتعال.
غاسبيريني قال في كلامه:”المواجهة مع برشلونة هتكون مباراة رائعة. إحنا لعبنا ضدهم قبل كده وتعادلنا 2-2 وكانت مباراة حلوة جدًا برشلونة فريق شاب ومذهل، وعندهم أكاديمية ناشئين ولا أروع.”
بس رغم المدح الكبير لبرشلونة، غاسبيريني شايف إن كفة إنتر أرجح شوية للتأهل، وقال:”إنتر يملك كل الأدوات اللي تخليه يوصل للنهائي برأيي، إنتر عنده حاجة زيادة، بس في كرة القدم لازم تثبت كل ده جوه الملعب.”
كلام غاسبيريني زاد حماس الجماهير أكتر، خصوصًا إنه مدرب بيعرف يتكلم عن الفرق الكبيرة كويس وعنده خبرة مع الأندية الأوروبية.
دلوقتي الكل مستني يشوف الصدام الكبير: شباب برشلونة المتحمس ضد خبرة وقوة إنتر ميلان، مين فيهم هيخطف بطاقة العبور لنهائي ميونخ؟
مباراة صعب التوقع بيها، وأكيد هتكون سهرة كروية مشتعلة لعشاق الساحرة المستديرة!
