فينيسيوس يتألق في غياب مبابي وورطة أنشيلوتي مستمره في دمجهم
رغم إن ريال مدريد فاز بصعوبه على أتلتيك بلباو بهدف نظيف، لكن فينيسيوس جونيور خطف الأضواء مره تانيه بتألقه الفردي اللي كان ملحوظ بشكل كبير، وده خلاه يثبت قدرته على قيادة الفريق في غياب كيليان مبابي.
لكن الغريب إن ده بيطرح نفس المشكله اللي بيعاني منها المدرب كارلو أنشيلوتي: صعوبة دمج فينيسيوس ومبابي مع بعض داخل الملعب.
فكل مره يغيب واحد منهم، بيبرز الأخر بشكل قوي، لكن ف وجودهم مع بعض، بيظهر التداخل الفني اللي مش قادر المدرب يلاقي ليه حل.
الأرقام بتوضح الفرق الكبير بين أداء اللاعبين في غياب بعضهم البعض فينيسيوس سجل أهدافه في مباريات كان فيها أداء مبابي باهت، زي الماتشات ضد آرسنال وفالنسيا في البرنابيو.
بينما مبابي سجل سبع أهداف ف مباريات غاب فيها فينيسيوس، وده بيعكس الاختلاف الكبير بين لعبهم وتأثيرهم.
الحقيقه إن التداخل بين مراكزهم على الملعب مش واضح، وده ممكن يكون من الأسباب اللي بتخلي أنشيلوتي محتار في كيفيه تنظيمهم بشكل جيد دون ما يتأثر الفريق.
ورغم تألق كل واحد فيهم لوحده، يبقى السؤال: هل المدرب حيلقى حل لهذه المعادله المعقده؟ ده اللي هيتضح في الأيام الجايه.
