غوارديولا يوجه نداء ناري لجماهير السيتي قبل ماتش أستون فيلا
قبل المواجهه المهمه المنتظره قدام أستون فيلا، اللي حتتلعب بكره على ملعب الإتحاد، خرج بيب غوارديولا مدرب مانشستر سيتي برساله واضحه وحماسيه لجماهير الفريق، يطالبهم فيها بالحضور والدعم الكامل من أول دقيقه.
غوارديولا قال: “إحنا محتاجين جمهورنا معانا ضد أستون فيلا، لأننا عارفين إنهم عايزين نفوز بدوري الأبطال الموسم الجاي، فلازم يبدأو التشجيع من أول ثانيه، ومفيش مجال للتردد”.
وأكد المدرب الإسباني إن الفريق ساعات ممكن يقع أو مايقديش الأداء المطلوب، وده طبيعي في الكوره، بس اللي يقدر يرفعهم تاني هم الجماهير، وقال: “عايزين حماسهم ودعمهم معانا دايمًا، دي مباراة نهائيه بالنسبالنا”.
وأضاف بيب كمان: “بعد فيلا، عندنا ماتش وولفرهامبتون، وده كمان نهائي تاني، لأن في الوقت ده من الموسم، كل نقطه بتفرق، وكل ماتش بيقرر حاجات كتير”.
وأشار إن فريق أستون فيلا من الفرق القويه اللي بتنافس على مراكز دوري الأبطال، والمواجهه معاهم مش سهله خالص، علشان كده بيطلب من الجماهير إنها تكون جزء من اللعب وتساعد اللاعبين في الضغط وتحفيزهم.
رساله غوارديولا واضحه، هو شايف إن الجمهور ليه دور حاسم ومؤثر، وبيعتبر الأسبوع ده من أهم أسابيع الموسم، واللي ممكن يحدد مصير السيتي في الدوري أو حتى ف ترتيب التأهل لدوري الأبطال.
هل الجماهير حتستجيب لنداء بيب؟ الإجابه في مدرجات ملعب الإتحاد بكره.
