بيب غوارديولا يعلن عن قراره بالاعتزال بعد نهاية عقده مع مانشستر سيتي
بيب غوارديولا، مدرب مانشستر سيتي، فاجأ الجميع بتصريحات جديدة اتكلم فيها عن عزمه التوقف عن التدريب بعد نهاية عقده الحالي مع الفريق الإنجليزي وفي مقابلة مع “ESPN” البرازيلية، قال: “بعد انتهاء عقدي مع السيتي، سأتوقف. أنا متأكد من ذلك، لا أعرف إذا كنت سأعتزل نهائيًا، لكنني سأخذ استراحة”.
الكلام ده جاي بعد أشهر فقط من تمديد عقده مع مانشستر سيتي حتى 2026، مع خيار التمديد لعام إضافي غوارديولا، اللي حقق 39 لقبًا في مسيرته، أكد إن الفوز مش هو الهدف الوحيد ليه، بل الأهم هو إمتاع الجماهير وأضاف: “لا يهم إذا الناس هيتذكرونا أو لا، الأهم إننا عشنا حياة كروية جيدة”.
وواصل حديثه وقال: “الموت بيجي وبعد أيام الناس بينسونا، إحنا مش عايشين علشان نُذكر بس” أما عن موسم مانشستر سيتي الحالي، فأقر غوارديولا بصعوبته وقال: “كنت عارف إننا هنقع يومًا ما، لكن السقوط كان حادًا جدًا رغم كده، حققنا عشر سنوات رائعة”.
السيتي حاليًا في المركز الرابع وبفارق كبير عن ليفربول، والموسم ده ممكن يُنقذ عن طريق كأس الاتحاد الإنجليزي.
أما عن أسلوبه التدريبي، فغوارديولا رفض إنه ينسب لنفسه “أسلوب خاص” وقال: “فيه تأثيرات من مدارس كتير، الهولندية، الألمانية، ومدرسة برشلونة اللي تربيت فيها. مفيش وصفة واحدة” وختم حديثه وقال: “كرة القدم بتتطور، وتنوع الأساليب هو اللي بيخليها جميلة. تخيلوا لو كل المدربين لعبوا بنفس الطريقة، كان هيبقى ممل جدًا!”.
