برشلونه يستقبل ريال مايوركا وعينه على الفوز والتقدم ف الترتيب
بيلعب فريق برشلونه الليله مباراه مهمه جداً ضد ضيفه ريال مايوركا ف إطار الجوله رقم 33 من الدوري الإسباني، والمباراه هتتلعب على ملعب مونتجويك الأولمبي، وسط ترقب كبير من جماهير البرسا اللي بتأمل في تحقيق نتيجه إيجابيه تضمن للفريق الإستمرار ف المراكز المتقدمه.
الفريق الكتالوني داخل اللقاء بمعنويات نص ونص، بعد ما قدم أداء متفاوت ف آخر 5 مباريات، فاز ف 3 وتعادل مباراه وحده وخسر التانيه، بس ف المجمل، الفريق بيوضح إنه راجع للطريق الصحيح خصوصا مع الأداء اللي قدموه بعض اللاعبين ف الجولات الأخيره.
في المقابل، ريال مايوركا مش هيكون خصم سهل، ودايماً بيعرف يسبب متاعب لبرشلونه ف بعض اللقاءات، خصوصاً لما يكون منظم دفاعياً ويعتمد على المرتدات، وده اللي بيحاول مدرب البرسا يتفاداه الليله من خلال السيطرة على الكوره والضغط من بداية اللقاء.
برشلونه محتاج يحقق الفوز بأي طريقه علشان يفضل منافس على مركز مؤهل لدوري الأبطال، وعلشان كده التشكيله المتوقعه هتكون قويه وهجوميه بشكل كبير، ممكن نشوف فيها ليفاندوفسكي من البدايه بجانب فيليكس أو يامال.
الجماهير مستنيه تشوف ردة فعل الفريق بعد التخبط اللي حصل ف بعض المباريات، وعايزين يشوفوا أداء هجومي ممتع مع ثلاث نقاط مهمين جداً ف مشوار الدوري.
المباراه هتكون صعبه، بس برشلونه قدها لو لعب بتركيز وبدون أخطاء دفاعيه.
