إنزو فرنانديز يثبت نفسه نجم وسط ولاعب لا غنى عنه أبداً
النجم الأرجنتيني إنزو فرنانديز بيكمل موسم ولا أروع مع فريقه ف الدوري الإنجليزي 2025، وبيأكد يوم ورا يوم إنه من أهم لاعبين الوسط ف البريميرليغ حاليًا، بعد ما تصدّر ترتيب صانعي الفرص من اللعب المفتوح بـ30 فرصه صنعها.
الرقم ده مش بسيط، وبيأكد إن إنزو مش بس بيقدّم تمريرات، ده بيصنع فرص حقيقيه ممكن تتحول لأهداف ف أي لحظه.
تحركاته ف الملعب دايمًا محسوبه، وعنده رؤيه عاليه بتخليه دايمًا سابق بخطوه، وده اللي خلى مدربه يعتمد عليه كعنصر أساسي لا يمكن الاستغناء عنه.
جمهور الفريق بقى شايفه مش بس كلاعب، لكن كعقل مفكر ف نص الملعب، بيوصل الكوره من الدفاع للهجوم بسلاسه، وبيفتح مساحات لزمايله بتخليهم يلاقوا فرص أفضل قدام المرمي.
ورغم المنافسه الشرسه بين لاعبي الوسط ف الدوري، إلا إن إنزو قدر يفرض نفسه، وبقى إسمه دايمًا ف القمه، سواء ف الإحصائيات أو ف الأداء الميداني.
ومع دخول الموسم مراحله الحاسمه، إنزو ممكن يكون الورقه الرابحه اللي يعتمد عليها الفريق لتحقيق طموحاتهم، سواء ف الدوري أو ف البطولات التانيه.
الناس دلوقتي بتسأل، هل يقدر إنزو يحافظ على مستواه ده لحد نهاية الموسم؟ ولو كمل بنفس القوه، ممكن نشوفه كمان مرشح لجوايز فرديه؟ كل حاجه وارده، بس اللي أكيد إن إنزو بقى نجم ساطع ف سماء البريميرليغ.
