أردا غولر يتفوق ع لامين جمال رغم الدقايق القليله والمشاركات الأقل
رغم إن لامين جمال واخد ضجة إعلامية كبيره ومتابعه عاليه من الصحافه والجمهور، بس الحقيقه إن أردا غولر بيأكد يوم بعد يوم إنه نجم حقيقي، وبيثبت نفسه من غير دوشة ولا كاميرات كتير.
بص كده ع الأرقام وانت تفهم الموضوع أكتر
غولر لعب 127 دقيقه، مقابل 126 لامين، يعني فرق بسيط جدًا فعدد الدقايق، لكن شوف الفرق ف الإنجاز.
غولر سجل 27 جون، ولامين عنده 25، وده رغم إن لامين بيلعب أكتر وبيشارك ف ماتشات أكتر.
واللي يشد أكتر هو إن غولر عنده بس فرصه كل فتره، ورغم كده كل مره بينزل فيها بيكون ليه بصمه واضحه. الراجل عنده تركيز وكفاءه، وده اللي بيخليه يبان أكتر من ناس تانيه واخده كل الأضواء.
اللي يتابع غولر كويس، هيشوف إنه نجم هادي بيشتغل ف صمت، وده النوع اللي بيخوف المنافسين أكتر، لإنه بيثبت نفسه بالفعل مش بالكلام.
ورغم إن لامين متفوق ف التمريرات الحاسمه بـ 39 أسيست مقابل 28 بس لغولر، بس لما تحط ف بالك إن ده جاي من لاعب بيلعب أقل بكتير، ساعتها هتعرف إن فيه موهبه حقيقيه بتتكون ف ريال مدريد.
ف النهاية، غولر بيكسب احترام الجمهور مش بس بالأرقام، لكن بروحه وتركيزه ف الملعب ولسه الأيام الجايه هتقول مين فعلاً الأفضل لما ياخدو فرص متساويه.
